Форма входа

Логин:
Пароль:

Поиск на сайте

ТОП-5

20.10.2011ИСЛОЧЬ

Описание реки Ислочь

Прочитано 21938 раз.

24.10.2011СУЛА

Описание реки Сула

Прочитано 17794 раз.

05.01.2014НАЗВАННЫЕ

Гора Лысая, 343,2 м

Прочитано 16517 раз.

25.10.2011ПРОНЯ

Описание реки Проня

Прочитано 15121 раз.

06.06.2012СТВИГА

Описание реки Ствига

Прочитано 13685 раз.

Облако тегов

Геликтит-ТМ Августовский канал спелеология байдарка Сула спелеоклуб альтаир Ислочь ПОЕХАЛИ! Клява Брест покатушка рогейн велопробег Польша Ельня болото Мнюта ровар паход велосипед турклуб Вилия кемпинг прыток Усса фестиваль Нёман приток Проня спелеологи гонка РТСС ТПМ граница Тышкевич мультигонка Березина Неман клуб Нарочь Нарочанка EuroVelo-2 маршрут походушка марафон Налибоки Гродно река Бобр паводок Ясельда конкурс туризм Сьцьвіга Ствига Льва Шоша веломаршрут чемпионат кубок Страча Припять велопоход Западный Буг Птичь Сха Вілія Полесье Случь книга соревнования отчет высота пеший поход Спортивный туризм Беловежская Пуща гора Маяк горы архыз школа туризма Красный бор Хибины новый год гора высшая точка возвышенность гора Лысая гора Высокая Воложинские гостинцы Щара поход вершина ПВД сплав Двина байдарки Западная Двина водный поход Свольна

НАШИ ДРУЗЬЯ

Водными маршрутами Беларуси

ИНФО-ПАРТНЁРЫ

На сайте

Онлайн всего: 1
Гостей: 1
Пользователей: 0






Главная | О проекте | Обратная связь | Реклама на сайте | Подписка RSS
Вы вошли как Гость | Группа "Гости" | Мой профиль | Регистрация | Выход
Активный туризм в Беларуси
Реклама: ХОЧЕШЬ В ПОХОД? НЕ ЗНАЕШЬ С КЕМ ПОЙТИ? ТЕБЕ К НАМ! belpohod.by - Походы для хороших людей!
Каталог статей


Главная » Статьи » ОТЧЕТЫ О ПОХОДАХ ПО РБ » ВОДНЫЕ СПЛАВЫ

Справаздача воднога пахода па рацэ Іслач

Справаздача воднога пахода па рацэ Іслач.

Калі: 08 – 09 траўня 2010 года

Удзельнкі:
Федзюковіч Юрась (DzedFyodar)
Федзюковіч Анжэліка
Качан Косьця
Качан Насьця
Качан Клава
Багамолаў Саша
Багамолава Іра
Багамолаў Кірыл
Глявіцкі Геннадзь

Маршут: г.Ракаў, в.Кіявец, в. Падневічы, в.Баравікоўшчына, Івянецкі р-н, Менскай вобл.

Прыслоўе.

Паход павінен быў быць "дзіцячым”. У сэнсе лёгкім і насычаным цікавосткамі, прыгажосьцю, сяброўскім гумарам і вясельлем. Тым больш, што два гады я не вадзіў гэтых сяброў у паходы. І галоўнае – добрая нагода: дзень народзінаў. Любы скажа – канешне паход! І чым не паход па рэчцы Іслачы з такой кампаніяй. Мне здавалася – самы падыходзячы маршрут. Памятаючы, што раней за два дні дайшлі да вёскі Рум, вырашыў пачаць маршрут ад м. Ракаў і прайсьці рэчку за 3 дні.

Але ж вось неспадзяванка: каманда выявілася зусім непадрыхтаванай. Хто забыў на правілы, хто й ня ведаў. Я жадаў ісьці хутка, каманда жадала адпачынку. Карацей – нешта не склалася. І вынік: два парэза (50 см і 10 см) і два авэркіля (пераварота). А таксама мокрыя шмоткі, дождж і экстранная эвакуацыя на другі дзень вечарам.

А далей падрабязней.

08.05.2010 – субота

Цудоўны дзень для пачатку пахода, для адпачынку. Ранішняя заброска мікрааўтобусам. Можна было заехаць і ў Ракаў, але дурацкія законы пра забарону выхаду на ваду маламерных суднаў да 1 чэрвеня вымусілі мяне шукаць падход да вады ніжэй Ракава. Але жаданьне ёсьць пачаць сплаў як мага вышэй – ад вытокаў Іслачы. Гэта ў планах.

Месца для старту знайшлі, збочыўшы са старой шашы ад Ракава, перад развязкай і мастом над рэчкай Яршэўкай. Пакуль сабралі байдаркі, пакуль перакусілі, пакуль байдаркі на ваду – стартавалі ў 12 гадзін. Адразу і кожны крок, пачалі сустракацца завальчыкі, завалы і затыкі. Некаторыя праходзяцца проста, некаторыя пры дапамозе вопыту й навыкаў, а праз некаторыя завалы байдаркі трэба прасоўваць. Толькі вось у маёй каманды гэта вельмі дрэнны атрымлівалася. Таму тэмп сплава быў вельмі павольны, прама кажучы медленны.

Недзе праз кілямэтар сустрэўся першы пешаходны масток. Гэтым разам праціснуліся пад нім. І праз пару мэтраў вусьце рэчкі Ярчэўкі. Вось першы паказальнік ціхаходнасьці нашай каманды: чутка болей аднаго кілямэтра за 35 звілін. Аднак далей цікавей. За наступныя 15 хвілін пераадолелі пяць завалаў. Няпростая тут Іслач. А завалы праз кожны мэтар-два. Не скажу, што цяжкія, але час губляецца добра. Забягаючы наперад скажу, што пасьля вёскі Кіявец такіх турбот увогуле няма. Непадрыхтаваным групам раней Кіяўца пачынаць ня раю.

А ў нас праз гадзіну і 15 хвілін паходу намаляваўся першы авэркіль. І было б з чаго – прыціснула павольна ідучую байдарку да дрэва тырчашчае з вады. Зазяваліся – і бац, пад вадой. Жарты на вадзе, ўсё ж дрэнныя памочнікі. Праўда тут Іслач мелкая, байдарку і шмоткі выцягнулі на бераг, перапрануліся і далей. Але амаль гадзіну весялілісь з гэтай нагоды. Давялось прытрымацца турыстычнай традыцыі і выпіць па келіху за першы авэркіль.

Можна сказаць, што надвор’е нам спрыяла. Сонейка, вясна, пахі. Высокія берагі мяняюцца між сабой, стараючысь прыўнесьці нашаму позірку найцікавейшыя й найпрыгажэйшыя малюнкі. Вясна! Але каманда не давала расслабону, хоць і вельмі гэтага жадала. На трэцьцяй гадзіне паходу – другі авэркіль. Ну што ты будзеш рабіць. Косьцю з Клавай падціснула пад пешаходны масток-кладачку. І гэта ўсяго недзе на пятым кіляметры маршрута. Такога насычанага пахода ў мяне шчэ не было – думаў я пра сябе, яшчэ ня ведаючы што будзе далей.

А далей медленна і павольна мы прасоўвалісь да нашага месца, дзе часта смажым шашлыкі. Гэта ля вёскі Междурэчча. Тут брод і месца даволі папулярнае. Дабралісь да яго толькі праз чатыры гадзіны ад старта. І толькі зашлі за паварот – банц, чы лепей сказаць "хршч”. Косьця наскоквае на корч і рве байдарку. Паўмэтровы парэз і байдарка тоне. Баста, зьбіраем каманду: абед, вячэра і начоўка, бо трэба сушыць, шыць і клеіць байдарку.

Вынік першага дня: 6 кілямэтраў за 4 гадзіны.

09.05.2010 – нядзеля

Чы тоe стрэс ад учорашняга дня, бо рэчы ў перакуліўшыхся аказаліся ўшчэнт мокрыя. Чы тоe добрыя пасядзелкі ля кастру добрай кампаніяй і віншаваньне з нагоды нараджэньня нашага сябра, ня далі сабрацца хутка. Дый яшчэ надвор’е нешта падводзіць. Неба зацягнула хмаркамі. Будзе дождж, ня будзе – не зразумееш.

Сёньня стартавалі зноўку ў 12 гадзін дня. Завалаў амаль не назіраецца, але яны ёсьць, толькі прасьцей праходзяцца.

На 44-й хвіліне, недзе праз 3 км мы натрапілі на шлюз, дзе па левым беразе, за плотам з калючым дротам нешта хаваецца, а вада ня маючы выйсьця, прарываецца па правым беразе вялікім прамывам. Гэты прамыў вельмі старанна пытаюцца заваліць, засыпаць, затыкаць то ЖБ-плітамі, то каменьнямі, то мяшкамі з пяском. Безвынікова – вада дзірачку знойдзе. Тут абнос па правым беразе ў рукаў пратокі і безперашкодна можна ісьці далей.

Так добра ідзем сёньня – здавалася мне. Думаў я што сёньня нам нічога не пагражае. Аж як я памыляўся.

На трэцяй гадзіне сёняшняй хады, недзе за вёскай Кіявец, цяпер ужо Саша напарваецца на корч і рве байдарку. Ня сільна – каля 10 сантыметраў. Ну добра, якраз час абеду, адразу й рамонту.

Пасьля абеду пайшло весялей. Хуткасьць павысілася, але надвор’е не паляпшалася. Недзе за 20 хвілін да маста ў вёсцы Падневічы (каля 8 км ад старту другога дня) сустракаецца штучны перакацік. Перад ім ляжыць вялікае бервяно. Гэтым разам я пад ім праціснуўся, а ў прошлы раз – не. Бервяно можна абысьці левай пратокай і адразу штучны перакад з камянёў.

Далей мост у вёсцы Падневічы на 10-м кілямэтры гэтага дня (усяго 16 км). Пад мастом вырашаем як быць далей і што рабіць з паходам. Дзяўчаты сумна канстатуюць, што пры даждлівым надвор’і, пры мокрых спальніках і адзёжах яны з дзецьмі начаваць ня здужаюць, замёрзнуць. А гэта ня трэба нікому. Таму, калі надвор’е не палепшае, будзем здымацца пад наступным мостам у вёсцы Баравікоўшчына. Вырашылі.

Вось і нагаварылі. Кавалак ракі паміж Падневічамі і Баравікоўшчынай плылі пад пастаянным дажджом. Вымаклі ўшчэнт (акрамя некаторых, такіх бы я). Нічога не запомнілася, акрамя сумленнага веславаньня, каб хутчэй дабрацца да Баравікоўшыны. Пад мастом апынуліся праз 2 гадзіны 40 хвілін (каля 9 км ад Падневічаў, каля 26 км агульна).

Праўда ёсьць цікавае месца. На 7 кілямэтры ад Падневічаў Іслач зрабіла прамыў левага берага і зрэзала 400-мэтровы паварот. Тут добры высокі бераг на левым беразе пасьля пратокі, а крыху далей, турыстычная банька. Патрабуецца толькі тэнт нацянуць. Пры плянаваньні маршрута я жадаў тутака рабіць первую начоўку. Ня спраўдзілася.

Збор байдарак у вёсцы Баравікоўшчына на левым беразе пад мастом (гэта для тых, хто можа ад Баравікоўшчыны будзе пачынаць маршрут). А мы фінішавалі тут у 21 гадзіну, куды за намі прыехалі нашы "эвакуатары”.

Вынік: нявопытныя группы на Іслач павінны ісьці летам і пачынаць ад Падневічаў. Сярэдне-падрыхтаваныя – ад в.Кіявец летам і вясной у палаводзьзе, ну а старыя "лосі” могуць і раней.

Нашы тэх-дадзеныя:
08.05.2010
9-00 – сустрэча ў Менску
10-15 – прыезд на месца старта
12-10 – 0 км – старт. Месца ля развязкі старой шашы з Ракава, перад мостам над Яршэўкай.
1 км ад старта – масток
12-48 – 1,2 км – вусьце Ярчэўкі
13-02 – прашлі 5 завалаў
13-15 – авэркіль №1, згубілі ня менш гадзіны
5 - 7 мэтраў шырыня ракі, вады дастаткова, завалаў вельмі шмат.
15-06 – авэркіль №2, згубілі ня менш за 45 хвілін.
15-49 – 5,8 км – перад бродам ля в.Междурэчча
16-10 – 6,2 км – парэз №1, стаянка на левым беразе.
09.05.2010
12-00 – старт
12-44 – 9 км – шлюз, прамыў справа, абнос.
14-38 – парэз №2, абед, недзе за Кіяўцом.
17-57 – 14,2 км – завал і штучны перакат, пратока злева.
18-18 – 16 км – вёска Падневічы
21-00 – 26 км – вёска Баравікоўшчына, мост.

Категория: ВОДНЫЕ СПЛАВЫ | Добавил: DzedFyodar (10.06.2012) | Автор: Юрась Федзюковіч (DzedFyodar) W
Просмотров: 2167 | Рейтинг: 0.0/0

Поделиться:


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]


Главная |  О проекте |  Обратная связь |  Реклама на сайте |  Подписка RSS