Форма входа

Логин:
Пароль:

Поиск на сайте

ТОП-5

20.10.2011ИСЛОЧЬ

Описание реки Ислочь

Прочитано 21936 раз.

24.10.2011СУЛА

Описание реки Сула

Прочитано 17792 раз.

05.01.2014НАЗВАННЫЕ

Гора Лысая, 343,2 м

Прочитано 16515 раз.

25.10.2011ПРОНЯ

Описание реки Проня

Прочитано 15120 раз.

06.06.2012СТВИГА

Описание реки Ствига

Прочитано 13684 раз.

Облако тегов

Геликтит-ТМ Августовский канал спелеология байдарка Сула спелеоклуб альтаир Ислочь ПОЕХАЛИ! Клява Брест покатушка рогейн велопробег Польша Ельня болото Мнюта ровар паход велосипед турклуб Вилия кемпинг прыток Усса фестиваль Нёман приток Проня спелеологи гонка РТСС ТПМ граница Тышкевич мультигонка Березина Неман клуб Нарочь Нарочанка EuroVelo-2 маршрут походушка марафон Налибоки Гродно река Бобр паводок Ясельда конкурс туризм Сьцьвіга Ствига Льва Шоша веломаршрут чемпионат кубок Страча Припять велопоход Западный Буг Птичь Сха Вілія Полесье Случь книга соревнования отчет высота пеший поход Спортивный туризм Беловежская Пуща гора Маяк горы архыз школа туризма Красный бор Хибины новый год гора высшая точка возвышенность гора Лысая гора Высокая Воложинские гостинцы Щара поход вершина ПВД сплав Двина байдарки Западная Двина водный поход Свольна

НАШИ ДРУЗЬЯ

Водными маршрутами Беларуси

ИНФО-ПАРТНЁРЫ

На сайте

Онлайн всего: 1
Гостей: 1
Пользователей: 0






Главная | О проекте | Обратная связь | Реклама на сайте | Подписка RSS
Вы вошли как Гость | Группа "Гости" | Мой профиль | Регистрация | Выход
Активный туризм в Беларуси
Реклама: ХОЧЕШЬ В ПОХОД? НЕ ЗНАЕШЬ С КЕМ ПОЙТИ? ТЕБЕ К НАМ! belpohod.by - Походы для хороших людей!
Каталог статей


Главная » Статьи » ОТЧЕТЫ О ПОХОДАХ ПО РБ » ВОДНЫЕ СПЛАВЫ

Справаздача воднага пахода па рацэ Сула

Водны паход ПВД: рэчка Сула

Калі: 7 – 9 сакавіка 2006 года

Удзельнікі: 
Кірыл (Kir_2005) - кіраўнік
Жэня
Федзюковіч Юрась (DzedFyodar)
Віця (VektoR)
Міроненка Коля
Настасься
Валодзя
Зьміцер
Андрэй (Bobr)
Зьміцер

Маршрут: в. Марозавічы, м. Рубяжэвічы, в. Гнецькі, в. Кароліна, в. Найдзёнавічы, в. Навасельле, в. Навапольле; Стаўпцоўскі раён Менскай вобласьці.

07.04.2006 – пятніца

Ужо стаўшы звычайным, збор у паходы на два-тры дні праходзіў у штатным рэжыме. Замова праз інцярнэт на сайце http://forum.poehali.net і збор а 19 гадзіне на вакзале. Заброска на аўтобусе да месца старту, аднак, і тут не абышлося бяз гумару. Нам быў бачны "знак”. Потым, значна пазьней, мы выявілі значэньне таго "знака”. А бачылі мы вясёлку, толькі праўда ня ўсю, а толькі "слупы вясёлкавыя” абапал дарогі па якой ехалі.

Але па ўсім па парадку.

08.04.2006 – субота

Начуючы амаль ля апошняй хаціны вёскі Марозавічы. Спадзяюся нікога не бянтэжылі, акрамя сабак. Марозны ранак успрынялі вельмі радасна і ўхапіліся зьбіраць байдаркі. Першы позірк на паўнаводную Сулу надаваў аптымізму. Вады было ўдосталь. Але можна было адзначыць, што ўзровень вады знізіўся амаль на мэтар.

Пэўна зараз можна адзначыць і другі "знак”, які быў намі заўважаны ноччу. Вакол месяца, што на чыстым небе сьвяціў лепей за сонца, мелася нешта падобнае на круглае сьвячэньне. Нас гэта ўразіла. Чаму я так канкрэтна спыняюся на гэтым даведаецеся далей з тэксту.

Пад’ём у 6 гадзін і на вадзе мы былі ўжо ў 9:15 па гадзіньніку. І адразу, праз 15 хвілін мы напаткалі бабровую хаціну. З лёту яе прайсьці нельга было, таму Bobr узяўся яе чысьціць. Адпілаваўшы пару галін і параскідаўшы яшчэ колькі ў бакі каманда пачала скакаць цераз плаціну. Кірыл, аднак, толькі на трэці раз пацэліў па пратоцы, дый і тое па кустоўі. А вось як бы добра Коля з Насьцяй не праскочылі плаціну, перакуліліся праз пару хвілінаў як адышлі ад яе. Адразу заўважу, што яны перагортваліся потым і другі раз. Толькі я таго ня бачыў, на жаль.

Так, пабалаваўшыся з паўгадзіны рушылі далей. Але як рушылі. Наступнае апісаньне сплава да маста ў Рубяжэвічах можна назваць коратка: прасоўваньне праз кусты. Былі два, чы тры абносы, і тэж па кустох. І так сталася, што ў Рубяжэвічах мы апынуліся толькі а палове на 14 гадзіну. Атрымліваецца, што кавалак маршрута ў 5 кілямэтраў мы праходзілі 4 гадзіны.

Пад аўтамабільным мастом у Рубяжэвічах, перад якім добры завал і кусты, невялікі каменны перакат і астанкі драўляных паляў. Трэба быць крыху ўважлівым, праходзячы тут. А на другім баку ад маста стары вадзяны млын. Тут тэж кусты і абнос па левым беразе. Хаця якая розьніца па якім, калі потым на адрэзку ў 3 км да вёскі Гнецькі сустракаецца вялікая колькасьць абнасімых кустоў, масткоў і іншай перашкаджаючай нечысьці ў вадзе.

Напрыклад я б раіў жадаючым пахадзіць па Суле пачынаць ад вёскі Гнецькі, чы хіба ад моста ў Рубяжэвічах, бо тое было дужа цяжка, а вынік нулявы. Страцілі столькі часу і моцы. Аднак некаторыя апісаньні распавядаюць пра пачатак маршрута яшчэ вышэй ад вёскі Сула. Гэта мажліва, здаецца, толькі па вельмі вялікай вадзе ў самы паводак. Да рэчы, можна разглядаць пачатак маршрута па рацэ Перакуль з тых жа Рубяжэвічаў, чы Целяшэвічаў.

Спыніліся на начоўку толькі ў 20 гадзін, бо наяўнасьць паваленых дрэваў не давала рады і накручваць кілямэтраў. Сталі на ноч недзе за 2 км да вёскі Рудня. Пры гэтым месца для стаянкі толькі адно і было, дзе Сула падыходзіць да сасновага ляску.

За дзень прайшлі каля 8 кілямэтраў. 

09.04.2006 – нядзеля

Ноч праляцела, як і мае быць хутка і весела. На ранак стаўся мароз каля -50С. Пры гэтым байды зложаныя горкай змёрзліся адна да другой. Трэ было чакаць покуль сонейка высунецца з-за дрэў, каб іх разабраць і пачаць пакавацца.

Прачнуліся ў 7 гадзін, сталі на ваду адразу па-за 10 гадзінамі. Праз 1,5 км па левым баку прайшлі прыток Перакуль і амаль адразу па правым беразе выявілася вёска Рудня. Тут Сула разьлівацца пачала, а чаму, мы і пабачылі. Перад Янушкамі ёсьць "мост”. Гэтая дарога яднае Янушкі і Кароліна. Толькі гэты мост зроблены ў выглядзе трубы 2-х мэтраў дыямэтрам. Для вясеньней Сулы гэта сталася дамбай, якую яна пачала пасьпяхова размываць. Затое ў трубе вада бурліла неверагодна прыгожа.

Калі б не палі, на выхадзе з трубы і не арматура ўнутры, мажліва і рызыкнулі б праз яе прайсьці. На гадзіньніку 11 гадзін. 

Далей да вёскі НайдзёнавічыСула паскарае свой бег і пачынае меандраваць бы зьмяя – загіб на загібе. Праз 3 км ад Кароліна, дзе на мапе адзнака узроўню вады 168,3 м ёсьць цудоўная абсталяваная стаянка, дзе можна рабіць начоўку. Далей Сула то адыходзіць і цячэ ў пойме, то зноў падыходзіць да невялікага кавалку лесу. За 4 км ад Найдзёнавічаў правым прытокам упадае рачулка Сярмяжка. Перад аўта-мостам у Найдзёнавічах невялікі каменны перакацік.

Пасьля Найдзёнавічаў да Навасельля і далей да НавапольляСула віхляе ў пойме з невысокімі, роўнымі берагамі. Лесу на берагах сустракаецца ня шмат і паглядаючы вакол бачыш даволі далёка ўздоўж ракі. Перад Навакольлем лес падыходзіць да ракі.

Тут, у Навапольлі, ля старога вадзянога млына мы і скончылі паход. Хоць гэта і была толькі адна палова ад намечанага маршрута, народ стаміўся і жадаў дамоў. 

Ля млына ёсьць астанкі старога драўлянага маста, на якім стварыўся завал, аднак левы бок мае, паміж паляў, пратоку, якая пачынаецца з мелі, а на выхадзе астанкі млынавых мэханізмаў. Каб прайсьці тут трэба добра вывернуцца. Ёсьць небясьпека наскочыць на астанкі паляў пад самай каменнай сьцяной. Адным словам ніхто не наважыўся туды сунуцца, акрамя мяне і VektoR-a.

За гэты дзень было пройдзена толькі 18 кілямэтраў.

Такім чынам водны сэзон 2006 года быў адчынены. Пры гэтым згубы склалі амаль самае цэннае: Кірылаў фоцік, Насьцін мабільнік, мае пальчаткі, Коля, Насьця, Андрэй, Зьміцер і Жэня з Кірылам перагортваліся амаль на роўным месцы, Жэнін мабільнік перастаў функцыяваць, як і VektoR-аў фоцік.

Категория: ВОДНЫЕ СПЛАВЫ | Добавил: DzedFyodar (14.08.2012) | Автор: ЮрасьФедзюковіч (DzedFyodar) W
Просмотров: 2085 | Теги: Сула | Рейтинг: 5.0/1

Поделиться:


Всего комментариев: 0
Добавлять комментарии могут только зарегистрированные пользователи.
[ Регистрация | Вход ]


Главная |  О проекте |  Обратная связь |  Реклама на сайте |  Подписка RSS